16جولائی سے پٹرولیم مصنوعات کی قیمتوں میں بڑے اضافے کا امکان ظاہر کیا جا رہا ہے۔

نجی ٹی وی ذرائع کے مطابق ہائی اسپیڈ ڈیزل کی فی لیٹر قیمت میں 5 روپے 27 پیسے جبکہ پیٹرول کی قیمت میں 6 روپے 60 پیسے تک اضافہ ہو سکتا ہے۔

ذرائع کا کہنا ہے کہ پیٹرولیم مصنوعات سے متعلق ابتدائی ورکنگ اوگرا کو بھجوا دی گئی ہے، جو حتمی ورکنگ تیار کر کے کل وزارت خزانہ کو بھیجے گا۔

پیٹرولیم مصنوعات کی قیمتوں میں رد و بدل عالمی منڈی میں نرخوں اور درآمدی لاگت کے تناظر میں کیا جا رہا ہے۔ وزارت خزانہ وزیراعظم سے مشاورت کے بعد نئی قیمتوں کی منظوری دے گی۔